WordPress

Saytınızda kritik bir xəta yarandı? [100% həll]

WordPress istifadəçilərinin tez-tez rastlaşdığı səhvlərdən biri olan ”There has been a critical error on this website” xətası ilə qarşılaşmısınızsa, narahat olmayın. Bir neçə sadə addımla bu xətanı həll etməyin yolunu izah edəcəyəm.

Bu xətanın olmasının səbəbi nədir?

Adətən bu kimi xətanın olması quraşdırdığınız qoşmalardan qaynaqlanır. Məsələn, məndə BuddyPress qoşmasını quraşdırıb bütün punklardakı işarələri qaldırdığıma görə belə xəta yaranmışdı. WordPress 1-2 aydan bir hər dəfəsində təhlükəsizlik və bir necə optimizasiyalarla öz yeni versiyasını buraxır. Belə olduqda hər bir qoşma və temalarda bu optimizisiyalara uyğunlaşmalıdır. Qoşmalar bölməsində yenilənməsi üçün bildirişlərin almağınız bu səbəbdəndir. Lisenziyasız temaların və qoşmaların istifadəsi WordPress-in yeni versiyasına uyğun olmayanda da bu xəta ilə qarşılaya bilərsiniz. Buna görə də WordPress təhlükəsizlik tədbirləri ilə saytınızı qoruyun! başlıqlı yazımda qeyd etdiyim kimi daim qoşmaları və temaları yeniləyin ki, WordPress-in yeni versiyası ilə uyğun gəlsin.

Xətanın həlli yolları

Bir necə üsullarla bu xətanı həll etmək mümkündür. Ən sadə üsul kimi admin paneldən qoşmalar bölməsinə daxil olun və qoşmaları bir-bir deaktiv etdikcə saytınızı yeniləyib baxın. Hansı qoşma problem yaradıbsa ya o qoşmanı silin ya da qoşmanın tənzimlənməsini edin. Bu üsulun digər alternativ yolu isə saytınızın kök fayllarına cPanel-dən və ya FileZilla proqramı ilə daxil olaraq public_html (və ya www) –> wp-content –> plugins papkasının adını müvəqqəti olaraq dəyişin (rename). Məsələn, plugins papkasının adını plugins_new kimi rename edin və 1-2 dəqiqədən sonra əvvəlki adına qaytarın. Nəzərə alın ki, papkanın adı mütləq əvvəlki kimi plugins olmalıdır.

Digər üsul isə saytınızın kök fayllarına cPanel-dən və ya FileZilla proqramı ilə daxil olaraq public_html (və ya www) papkasındakı wp-config.php faylına aşağıdakı kodu daxil edin. Əgər həmin faylda define(‘WP_DEBUG’, false) kodu varsa, false dəyərini true dəyəri kimi dəyişə bilərsiniz.

define('WP_DEBUG', true);

Qeyd etdiyim üsulların biri ilə mütləq bu problem aradan qalxacaqdır. Əgər problem olduğu kimi qalıbsa hostinq firmanızla əlaqə saxlayaraq kömək istəyə bilərsiniz.

Əgər WordPress sistemli sayt qurmaq istəyirsinizsə, sizin üçün tam detallı, şəkilli izahlarla hazırladığım WordPress necə qurulur? başlıqlı yazımı oxuya bilərsiniz.

Back to top button