Abşeronda 10 minə yaxın insanın iştirakı ilə Dövlət Bayrağı Günü qeyd edildi -

8-11-2019, 22:16            118 dəfə baxılıb


Dövlət Bayrağı Günü münasibətilə Abşeron rayonun inzibati mərkəzi olan Xırdalan şəhərində ümumrayon tədbiri keçirilib. Xeberfakta.az xəbər verir ki ,tədbirdən əvvəl Xırdalan Musiqi Məktəbinin binasının qarşısından Bayraq Meydanına qədər ümumrayon yürüşü düzənlənib.

Milli musiqimizin sədaları altında rayonun minlərlə sakini şəhərin Heydər Əliyev prospekti, Zərifə Əliyeva, Qalubiyyə küçələrindən keçməklə ümummilli liderin adını daşıyan parkdakı Bayraq Meydanına doğru hərəkət ediblər. Bayram tədbirində Abşeron rayon İcra Hakimiyyətinin başçısı İradə Gülməmmədova, hüquq-mühafizə orqanlarının, idarə, müəssisə və təşkilatların rəhbərləri, ictimaiyyət nümayəndələri iştirak ediblər.

Hər il olduğu kimi bu ildə Abşeron Rayon İcra Hakimiyyəti Bayraq Gününün təntənə ilə qeyd edilməsi ilə bağlı tədbirlər planı hazırlayıb. Builki bayram yürüşü 10 min insanın iştirakı ilə yadda qalıb. Bayram münasibətilə bütün yaşayış binaları üçrəngli bayrağımızla bəzədilib. Xalqımızın qürur mənbəyi və iftixarı, dövlət müstəqilliyimizin əsas atributlarından olan üçrəngli bayrağımız milli ideologiyamızın təməl prinsiplərini tam mənası ilə izah edir.

Tədbirdə bildirilib ki, bayrağımız Azərbaycanın ərazi bütövlüyünün və toxunulmazlığının, dünya azərbaycanlılarının mənəvi-siyasi və mədəni birliyinin, vahidliyinin, bölünməzliyinin rəmzidir. Məhz Ulu Öndərin siyasi cəsarəti hesabına ay-ulduzlu, üçrəngli bayrağımız dövlətimizin rəmzi elan edilib və onun hakimiyyətə qayıdışından sonra bu bayraq müstəqil Azərbaycanın dövlət bayrağı statusunu alıb.

Bayram tədbirində respublikanın tanınmış incəsənət ustaları vətənimizə, bayrağımıza həsr olunan mahnılar ifa ediblər. Uşaq Musiqi və İncəsənət məktəblərinin çıxışı maraqla qarşılanıb. Ədəbi bədii kompozisiyalar nümayiş olunub.

 

 

шаблоны для dle 11.2











© 2018 Azərbaycan İnformasiya Mərkəzi
Məlumat internet səhifələrində istifadə edildikdə müvafiq keçidin qoyulması mütləqdir.
Baş redaktor: Xəlil Xəlilov
Bizimlə Əlaqə : Tel: 055 211 67 62 E-mail : aim.az@inbox.ru
Sayt Webmedia.az tərəfindən hazırlanmışdır.