İkinci “ANİMAFİLM” festivalına filmlərin və ssenarilərin qəbulu başlayıb -

14-05-2019, 16:25            116 dəfə baxılıb

Oktyabrın 18-dən 21-dək Bakıda növbəti “ANİMAFİLM” Beynəlxalq Animasiya Festivalı baş tutacaq. Qalibləri “Qızıl qayıq” mükafatı gözləyir.
Festivalın təsisçisi Rəşid Ağamalıyev AZƏRTAC-a bildirib ki, artıq film və ssenarilərin qəbulu başlayıb.
“Qürur hissi ilə bildirmək istərdim ki, keçən il biz bir ilkə imza atdıq. Sevimli şəhərimiz ilk dəfə beynəlxalq animasiya festivalına ev sahibliyi etdi. Biz bu gözəl ənənəni davam etdirmək və bu sahəni inkişaf etdirmək üçün səy göstəririk. Məhz buna görə də festivalın şüarı "Ənənə və inkişafa yeni baxış" kimi müəyyən edilib. Həmçinin bu il müraciətlər ən böyük festivallar platforması olan “FilmFreeway” vasitəsilə təqdim edilə bilər”, – deyə R.Ağamalıyev qeyd edib.
R.Ağamalıyev film və ssenarilər üzrə müsabiqə kateqoriyaları barədə də məlumat verərək deyib: “Bu kateqoriyalara “Ən yaxşı qısametrajlı animasiya filmi”, “Ən yaxşı qısametrajlı Azərbaycan animasiya filmi”, “Uşaqlar üçün ən yaxşı qısametrajlı animasiya filmi” və “Qısametrajlı animasiya filmi üçün ən yaxşı orijinal ssenari”lər daxildir.
Vurğulanıb ki, Azərbaycan animasiyasının inkişafına verdiyi töhfəyə görə festivalın “Qızıl qayıq” mükafatının laureatı Məsud Pənahi beynəlxalq münsiflər heyətinə rəhbərlik edəcək.
R. Ağamalıyev onu da xüsusilə nəzərə çatdırıb ki, bu il, həmçinin uşaqlardan ibarət münsiflər heyəti də təsis olunub. “Ən yaxşı uşaq animasiya filmi” müsabiqəsinin qalibini beş nəfərdən ibarət olan uşaq filmlərinin münsiflər heyəti müəyyən edəcək.
Qeyd edilib ki, festivala artıq 35 ölkədən 67 müraciət qəbul olunub. Müraciətlərə iyulun 31-dək baxılacaq.шаблоны для dle 11.2









© 2018 Azərbaycan İnformasiya Mərkəzi
Məlumat internet səhifələrində istifadə edildikdə müvafiq keçidin qoyulması mütləqdir.
Bizimlə Əlaqə : E-mail : aim.az@inbox.ru
Sayt Webmedia.az tərəfindən hazırlanmışdır.