Sentyabrda dünyada neft-qaz qurğularının sayı azalıb -

8-10-2019, 15:00            49 dəfə baxılıb
Bu ilin sentyabr ayında dünyada neft-qaz qazma qurğularının sayı aylıq ifadədə 65 ədəd və ya 3% azalaraq 2 141-ə enib.
Aim.az-ın ABŞ-ın “Baker Hughes, a GE Company” (BHGE) neft-qaz servis şirkətinə istinadən verdiyi məlumata görə, illik ifadədə isə işlək qurğuların sayı 117 ədəd və ya 5,2% azalıb.
ABŞ-da qurğuların sayı aylıq ifadədə 48 ədəd və ya 5,2% azalaraq 878 ədəd, Kanadada isə 10 ədəd və ya 7% azalaraq 132 ədəd təşkil edib.
Avropadakı qurğuların sayı isə sentyabr ayında əvvəlki ay nisbətən 17 ədəd və ya 8,8% azalaraq 176 ədəd, Orta Şərqdə 9 ədəd və ya 2,2% artaraq 425 ədəd, Asiya-Sakit Okean regionunda 6 ədəd və ya 2,7% artaraq 226 ədəd, Latın Amerikasında 5 ədəd və ya 2,6% azalaraq 189 ədəd təşkil edib, Afrikada isə qurğuların sayı avqust ayının səviyyəsində (115 ədəd) qalıb.
Qeyd edək ki, “Baker Hughes” şirkəti 1944-cü ildən etibarən ABŞ və Kanadada qurğuların sayındakı dəyişikliklər barədə həftəlik məlumatlar paylaşır, 1975-ci ildən isə dünya üzrə neft-qaz qurğularının sayını dərc edir. 2017-ci ildə “Baker Hughes” və “GE Oil & Gas” (ABŞ-ın “General Electric” konserninin neft-qaz bölməsi)şirkətlərinin konsolidasiyası başa çatıb. Hazırda birləşmiş şirkət “Baker Hughes, a GE Company” (BHGE) adını daşıyır.//Apa.azшаблоны для dle 11.2









© 2018 Azərbaycan İnformasiya Mərkəzi
Məlumat internet səhifələrində istifadə edildikdə müvafiq keçidin qoyulması mütləqdir.
Baş redaktor: Xəlil Xəlilov
Bizimlə Əlaqə : Tel: 055 211 67 62 E-mail : aim.az@inbox.ru
Sayt Webmedia.az tərəfindən hazırlanmışdır.