Ruslar pilotun axtarışına qoşulmayıb: - “Üzərini lil və qum qatı örtüb...” -

14-08-2019, 12:30            91 dəfə baxılıb
İyulun 24-də saat 22:00 radələrində plana uyğun olaraq, gecə vaxtı təlim-məşq uçuşları keçirən Hərbi Hava Qüvvələrinin (HHQ) “MiQ-29” təyyarəsinin pilotunun axtarışları davam etdirilir. 

Hərbi təlim zamanı yoxa çıxmış “MiQ-29” təyyarəsinin pilotu, polkovnik-leytenant Rəşad Atakişiyevin axtarışları hələ də nəticə verməyib. 

Cebhe.info-ya açıqlama verən pilotun qayınatası Qabil Hüseynli deyib ki, təyyarədə pilot kabinəsindən tutmuş “qara qutu”nun yerləşdiyi hissəyə qədər hər şey parçalanıb. “Təyyarə parça-parça olub. Ona görə də çıxarılan şeylər haqqında onun hissələri kimi danışmaq lazımdır. Təyyarənin parçaları 1 km radius məsafəyə səpələnib. İndi onların üzərini də lil və qum qatı örtüb. Dalğıclar qum və lili təmizləyə-təmizləyə bəzi əşyaları çıxarırlar. Lazımlı əşyalar olan pilotun kabinəsi və “qara qutu”nun axtarışlarını apara biləcək hissələri çıxarırlar. Amma hələ nə pilotdan, nə də “qara qutu”dan xəbər var. Axtarışlar davam etdirilir”. 

Xatırladaq ki, avqustun 10-da axtarışlara Rusiya Hərbi Dəniz Donanmasının xilasedicilərinin də qoşulacağı bildirilmişdi. Q.Hüseynli Rusiya tərəfinin axtarışlara qoşulmadığını bildirib. 

шаблоны для dle 11.2









© 2018 Azərbaycan İnformasiya Mərkəzi
Məlumat internet səhifələrində istifadə edildikdə müvafiq keçidin qoyulması mütləqdir.
Baş redaktor: Xəlil Xəlilov
Bizimlə Əlaqə : Tel: 055 211 67 62 E-mail : aim.az@inbox.ru
Sayt Webmedia.az tərəfindən hazırlanmışdır.