Rəşad Atakişiyevin yaxınından açıqlama -

9-08-2019, 22:24            91 dəfə baxılıb
"MİQ-29 təyyarəsinin bəzi fraqmentləri tapılıb. Bununla bağlı başqa ciddi məlumat yoxdur. Həmin fraqmentlərin türkiyəli mütəxəssislər tərəfindən tapıldığı bildirilir, amma bu rəsmən təsdiqlənməyib. Bir azərbaycanlı dalğıcla, bir türk dalğıc suya girib, şəkillər çəkiblər”. 


Anews.az xəbər verir ki, bunu modern.az-a açıqlamasında  iyulun 24-dən Xəzərdə itkin düşən pilot Rəşad Atakişiyevin qayınatası, sabiq dövlət müşaviri Qabil Hüseynli deyib.


Sabiq dövlət müşaviri bildirib ki, axtarışların aparılmasına hava imkan vermir: "Təyyarənin qalıqlarına doğru birinci hərəkət edən türk dalğıc olub. Bizdə olan məlumata görə, axtarışları bu gün də davam etdirməlidirlər. Ancaq hava şəraiti imkan vermir. Dalğıclar aşağı düşə bilmirlər”


Azərbaycan Hərbi Hava Qüvvələrinə məxsus MİQ-29 təyyarəsi iyulun 24-ü gecə təlim-məşq uçuşu keçirən zaman qəzaya uğrayıb. Xəzər dənizinə düşən hərbi təyyarəni idarə edən pilotumuz polkovnik-leytenant Rəşad Atakişiyev də itkin düşüb.
 
Təyyarənin Xəzər dənizinə düşdüyü ərazi avqustun 8-də axşam saatlarında müəyyəb edilib.
шаблоны для dle 11.2









© 2018 Azərbaycan İnformasiya Mərkəzi
Məlumat internet səhifələrində istifadə edildikdə müvafiq keçidin qoyulması mütləqdir.
Baş redaktor: Xəlil Xəlilov
Bizimlə Əlaqə : Tel: 055 211 67 62 E-mail : aim.az@inbox.ru
Sayt Webmedia.az tərəfindən hazırlanmışdır.