Arif Alışanovun postu niyə 7 aydır ki, boşdur? - Az.TV-də "sədr bilməcəsi"... -

23-07-2019, 13:00            130 dəfə baxılıb

"Azərbaycan Televiziya və Radio Verilişləri" Qapalı Səhmdar Cəmiyyətinə (QSC) sədr təyinatı 7 aydır yubanır. Belə ki, bu il yanvarın 15-də Arif Alışanov həmin vəizfədən azad olunub və sədr səlahiyyətlərinin icrası Rövşən Məmmədova tapşırılıb. R.Məmmədov sədr müavinidir. Bəs 7 aydan çoxdur Dövlət Teleradiosuna rəhbər təyinatı niyə yubanır?
Aim.az  Qaynarinfo-ya istinadən xəbər verir ki, R.Məmmədov sədr vəzifəsinin icrasına başladıqdan sonra qurumda kütləvi ixtisarlar aparıb, o cümlədən, bir çox önəmli postlara yeni təyinatlar gerçəkləşdirib.

Edilən dəyişiliklər artıq dövlət televeziyasının efirində də öz əksini tapmaqdadır. Verilişlərin formatından tutmuş, məzmununa qədər baş verən müsbət yeniliklər R.Məmmədovun "sınaq müddəti"ni uğurla keçdiyini göstərir.

Qeyd edək ki, hazırda Baş nazirin müavini olan Hacıbala Abutalıbov Bakı Şəhər İcra Hakimiyyətinin (BŞİH) başçısı postundan kənarlaşdırıldıqdan sonra o vaxt Səbayel rayonunun icra başçısı Eldar Əzizov meriyada müavin postuna gətirilmiş, Əzizov isə bir neçə ay ərzində həm də mer səlahiyyətlərini icra etmişdi.

Yalnız bundan sonra onun H.Abutalıbovun "varisi" olması rəsmiyyət qazanmışdı.

Bu təcrübədən çıxış edənlər, Az.TV-dən qalmaqallı xəbərlərin gəlməsinə baxmayaraq, Arif Alışanovun sələfinin də məhz hazırda sədr səlahiyyətlərini icra edən R.Məmmədov olacağı ehtimalını kifayət qədər yüksək qiymətləndirirlər.

Lakin Az.TV-nin yeni sədrinin sürpriz şəxs olması da istisna edilmir. Belə ki, həmin posta başqa iddialıların da olduğu, sədr təyinatının da elə bu səbəbdən gecikdiyi barədə iddialar dolaşır.
 шаблоны для dle 11.2











© 2018 Azərbaycan İnformasiya Mərkəzi
Məlumat internet səhifələrində istifadə edildikdə müvafiq keçidin qoyulması mütləqdir.
Baş redaktor: Xəlil Xəlilov
Bizimlə Əlaqə : Tel: 055 211 67 62 E-mail : aim.az@inbox.ru
Sayt Webmedia.az tərəfindən hazırlanmışdır.