Qoca Səmədov özü-özünə problem yaradır... - belə davam edərsə... -

9-07-2019, 15:51            82 dəfə baxılıb

"Yevlaxda 15 iyun Qurtuluş Günü çox saymazyana, laqeyd şəkildə keçirilib. Heydər Əliyev xiyabanında baş tutan konsertdən yayılan fotolar belə deməyə əsas verir. Qurtuluş Günü təşkil edilmiş konsertə az insanın təşviq edilməsinin məsuliyyətini Yevlax şəhər İcra Hakimiyyəti daşıyır. Həmin gün paytaxt başda olmaqla respublikanın bütün regionlarında tədbirlər, izdihamlı konsertlər təşkil olunub". Bu sözlər teref.az-ın xəbərində yer alıb.
Qoca Səmədov özü-özünə problem yaradır... - belə davam edərsə...

Xəbərdə daha sonra deyilir: "Amma Yevlax İH və başçısı Qoca Səmədov dövlətin əhəmiyyətli gününü başdansovdu, biganə, yola verməklə keçirib. Əslində, bu fakt ölkənin siyasi rəhbərliyi üçün bir dərs olmalıdır ki, dostunu, düşmənini tanısın. Q.Səmədov kimi məmurlar yalnız öz mənfəətini düşünən adamlardır. Onlar dövlətçilik libasına bürünərək öz maddi maraqları üçün çalışırlar.

Yevlaxın icra başçısı adi bir konserti yüksək səviyyədə təşkil edə bilmirsə, onun rayonu necə idarə elədiyi təsəvvürü formalaşır. Q.Səmədovun bu hərəkəti ciddi siyasi xətadır. 15 iyun günü konsertdə izdiham olmalıydı. Amma şəkillərdən də görünür ki, stulların çoxu boşdur, 5-10 adam yığıb guya bayram edirlər. Belə hörmətsizlik dövlətə, onun ulu öndərinə və siyasi rəhbərliyinə edilən hörmətsizlikdir".

Dia.az bildirir ki, bu məsələyə görə, artıq Yevlax RİH rəhbərliyinə irad bildirilib və belə davam edərsə, Qoca Səmədovun illəri əhatə edən hakimiyyəti sona çatacaq...
teref.azшаблоны для dle 11.2









© 2018 Azərbaycan İnformasiya Mərkəzi
Məlumat internet səhifələrində istifadə edildikdə müvafiq keçidin qoyulması mütləqdir.
Baş redaktor: Xəlil Xəlilov
Bizimlə Əlaqə : Tel: 055 211 67 62 E-mail : aim.az@inbox.ru
Sayt Webmedia.az tərəfindən hazırlanmışdır.