Valideynlərə ŞAD XƏBƏR: Ağır çanta problemi HƏLL OLUNUR -

21-05-2019, 17:15            210 dəfə baxılıb

Cəmiyyəti narahat edən dərsliklərin çəkisinin çox olması, şagirdlərin çanta yükünün ağırlığı ilə bağlı məsələ, deyəsən, həllini tapacaq.  Belə ki, Milli Məclisin Elm və təhsil komitəsi Təhsil Nazirliyi ilə birlikdə dərsliklərin yüngülləşdirilməsi ilə bağlı iş aparır.
 
Bu barədə mətbuata -a açıqlamasında Milli Məclisin Elm və təhsil komitəsinin sədri İsa Həbibbəyli məlumat verib. Onun sözlərinə görə, gələn ildən etibarən problem həllini tapacaq: "Əldə olunmuş razılığa görə, gələn ildən ibtidai siniflərin hər sinfə aid olan dərslikləri mərhələli şəkildə iki ayrı-ayrı dərslik kimi çap olunacaq. Şagird dərs ilinin birinci yarısında dərsliyin bir hissəsini öz çantasında məktəbə aparacaq. İkinci yarısında isə dərsliyin ikinci hissəsi məktəbdə istifadə olunacaq. Beləkilə, aşağı sinif şagirdlərinin dərsliklərinin ağır olması ilə bağlı problem aradan qalxacaq”.

 
İ.Həbibbəyli dərsliklərin keyfiyyət probleminə də toxunub: "Təhsil Nazirliyi ilə birlikdə imkan daxilində dərsliklərin cildinin yumşaq olması, kağızının keyfiyyət məsələsinə də diqqət yetiriləməsi barədə razılığa gəlinib. Cəmiyyət nəzərə almalıdır ki, bədii əsərlərin çap olunduğu bəzi yüngül çəkiyə malik kağızlar dərslik üçün yaramır. Çünki dərslik bir neçə illiyə çap olunur. Buna görə dərslik üçün daha davamlı kağız lazımdır. Buna baxmayaraq, imkan daxilndə yenə də dərsliklərdə davamlı kağızların daha yüngül növündən istifadə olunacaq”.(lent.az)шаблоны для dle 11.2









© 2018 Azərbaycan İnformasiya Mərkəzi
Məlumat internet səhifələrində istifadə edildikdə müvafiq keçidin qoyulması mütləqdir.
Bizimlə Əlaqə : E-mail : aim.az@inbox.ru
Sayt Webmedia.az tərəfindən hazırlanmışdır.