Sumqayıt parkında müəmmalı ticarət obyekti – Tikintisinə Samir Nuriyevdən İCAZƏ ALA BİLMƏDİLƏR (FOTO) -

6-03-2019, 12:45            98 dəfə baxılıb
 Sumqayıt şəhərindəki Nizami Gəncəvinin heykəli olan istirahət parkı qanunsuz şəkildə zəbt olunaraq, yerində ticarət obyekt inşa etdirilsə də, sakinlərin dövlət qurumların şikayətindən sonra ərazidə işlər müvəqqəti də olsa dayandırılıb.
Sakinlər Demokrat.az-a bildirir ki, buna səbəb həmin obyektin qanunsuz olmasıdır. Təqribən 1 aya yaxındır ki, ərazidə tikinti işləri dayandırılıb.
Görünür, istirahət parkını zəbt edərək, yerində ticarət obyekti tikmək istəyən şəxs hələ ki, layihəsinin sənədləşdirilməsi işini tamamlaya bilməyib.
Deyilənə görə, bir neçə dəfə cəhdlər olsa da, Dövlət Şəhərsalma və Arxitektura Komitəsindən həmin obyektin tikintisinə icazə verilməyib. Buna baxmayaraq, parkda inşası planlaşdırılan obyektin avadanlıqları hələ də orada saxlanılır. Yəni, hər an istirahət parkının yarısı insanlar üçün məhdudlaşdırıla bilər.
 Sakinlər deyir ki, parkda ticarət obyekti inşa etmək istəyən şəxs Mirfazil Əliyev adlı sahibkardır. Onun Sumqayıt şəhər İcra Hakimiyyətinin başçısı Zakir Fərəcova yaxın olduğu deyilir.
Mirfazil Əliyevin Sumqayıtın mərkəzindəki istirahət parkının ortasında ticarət obyekti inşa etmək cəsarəti də görünür buradan qaynaqlanır.
Sakinlərin sözlərinə görə, son günlər həmin ərazidə yenidən “canlanma” müşahidə olunur. Hansısa səbəbdən sözügedən istirahət parkında yenidən tikinti işləri planlaşdırılır.
 Bu tikintiyə Dövlət Şəhərsalma və Arxitektura Komitəsinin yeni sədri Samir Nuriyevin icazə verməsi real görünmür. Çünki ölkə rəhbərliyi Samir müəllimə bu etimadı məhz onun şəffaf fəaliyyətinə inanaraq göstərib.
Sakinlər bildirir ki, böyük ehtimalla, Sumqayıtda həmin obyekti inşa edən şəxslər “səssiz” məqamın gəlməsini gözləyirlər. Yəni, parkda hər an qanunsuz ticarət obyekti inşa oluna bilər.



 шаблоны для dle 11.2









© 2018 Azərbaycan İnformasiya Mərkəzi
Məlumat internet səhifələrində istifadə edildikdə müvafiq keçidin qoyulması mütləqdir.
Bizimlə Əlaqə : E-mail : aim.az@inbox.ru
Sayt Webmedia.az tərəfindən hazırlanmışdır.